Kisi bhi phone ya computer ko security camera mein badlain

AtHome-camera

Aaj ke daur mein ghar ho ya dukan, school ho ya office balkay gali muhallay ki hifazat ke liye bhi security camera na-guzeer ho chuke hain. Road ho ya imarat, har jagah hum security camera nasab hue dekhte hain. Afra-tafri ke is daur mein agar aap kisi cheez par nazar nahi rakhen ge to is ke chori honay ke imkaan 100% taq poanch sakay hain.

Agar hum aap ko aik aisay software ke baray mein bitayen jo kisi bhi Smartphone, Computer aur Smart TV ko security camera bana sakta ho to kaisa rahay ga?

Yeh software aik live security camera ki taraz par kaam karta hai jis ke zariye na-sirf manzar record kya ja sakta hai balkay duniya mein kahin bhi rehtay hue is camera ka manzar live dekha bhi ja sakta hai.

Yeh programme jis ka naam “AtHome Camera” hai bilkul muft dastyab hai. AtHome camera ki installation thori si tavajja ki mutaqazi hai kyunkay yeh do hisson mein dastyab hai. Is ka aik tool “AtHome Streamer” kehlata hai jabkay dosra AtHome Camera”. Naam se bilkul wazeh hai kay jis device ko aap camera banana chahtay hain is par “Camera” jabkay jis par video dekhna ho is par “Video Streamer” tool install karna ho ga.

AtHome Camera

Operating System ki baat ki jaye to yeh iOS, Android, Windows kay ilawa Smart TV ke liye bhi dastyab hai. Is programme kay zareye aap daraj zail features say mustafeed ho sakty hain.

  • Kisi bhi Web Cam ko phone par dekhna
  • Motion Detector
  • Recording ka time schedule karna
  • Email Alerts
  • PC ko remotely control kerna
  • Mehfooz connection
  • Khud-car tor par kisi clip ko delete karna
  • Cloud Recording

Is programme ko istemaal karne ka mukammal tareeqa tafseeli tor par bamah tasaveer is ki Website par mojood hai. Is liye usay istemaal karne se pehlay is ke kaam karne ke tareeqa-car ko achi terhan samajh len.

Leave a Reply

Your email address will not be published. Required fields are marked *