iPhone XS ki tasweer leak

iphone xs gold

Apple ka event jis mein naye iPhone ka elaan kya jaye ga, mein abhi 2 haftay ka waqt baqi hai. Lekin naye iPhones ke mutaliq khabrain leak honay ka silsila guzishta kayi hafton se jari hai. Taaza tareen leak 9to5Mac nami maroof website nay shaya kya hai. Is website nay aik naye iPhone ki tasweer jari ki hai jo is ke mutabiq iPhone XS ki hai.

Is waqt Apple ke shaiqeen be-sabri se 12 September ka intizaar kar rahay hain jab naye iPhones muta-arif kurwaye jayen ge. Apple ke shares ki maliyat bhi tareekh ki buland tareen satah yani 228 dollar per share tak poanch gayi hai.

iPhone XS ke baare mein kaha ja raha hai ke yeh pehla iPhone hoga jisay white aur black ke ilawa golden rang mein bhi paish kya jaye ga. 9to5Mac ka kehna hai ke is phone ke do version hunge jin mein aik version ki screen ka size 5.8 inch jabkay doosri ka 6.5 inch hoga.

Tajzia nigaron ka kehna hai ke Apple mehngay iPhone ke ilawa qadray sastay iPhone bhi muta-arif kurwaye ga jin mein OLED ke bajaye LCD screen istemaal ki jaye gi.

Leave a Reply

Your email address will not be published. Required fields are marked *