Apple iPhone 8 mein bari kharabi ki tasdeeq ho gae

iphone 8 and x

aik janib Apple apne aglay iPhone ki tashheer mein masroof hai doosri janib Apple nay iPhone 8 ke mukhtalif modals mein mojood aik barri kharabi ki tasdeeq kar di hai. Apple nay apni website par iPhone 8 ke users ko mutala karna shuru kardiya hai ke iPhone 8 ke kuch modals mein istemaal kiye gaye “Logical board” mein tayari ke douran aik kharabi peda hogayi thi jis ki wajah se mutasirah phones khud-bakhud restart ho jatay hai, hang ho jatay hain ya phir start hi nahi hotay .

Dilchasp baat yeh hai ke Apple nay hasb-e-sabiq yeh elaan kya hai ke is kharabi se mutasir honay walay iPhone 8 devices ki tadaad bohat thori hai. Apple umooman har daryaft honay wali kharabi ke liye aesa hi bayan jari karta hai.

Credit IFIXIT

Tafseelaat ke mutabiq Apple iPhone 8 ke jin modals mein kharabi payi gayi hai woh September 2017 se March 2018 ke darmiyan China, India, Japan , Macau, New Zealand aur America mein tayyar kiye gaye thay. 6 mah ke douran mutawaqqa tor par lakhoon iPhone 8 in mumalik mein tayyar kiye gaye thay.

Is baat ki jaanch karna ke aaya aap ke paas mojood iPhone 8 bhi is kharabi se mutasir hai ya nahi, bohat aassan hai. Apple nay apni Website par aik form day rakha hai ( jo is link par dekha ja sakta hai ) jahan aap iPhone 8 ka serial number type karkay dekh satke hain ke aap ka iPhone 8 is kharabi se mutasirah hai ya nahi. Agar iPhone 8 is kharabi se mutasirah hoa to Apple aap ko usay bilkul muft theek karkay day ga. Yeh sahoolat aglay 3 saal taq muft dastyab rahay gi .

Yaad rahay ke iPhone 8 plus aur iPhone Ten (X) is kharabi se mutasirah nahi hain.

Leave a Reply

Your email address will not be published. Required fields are marked *