وزیراعظم، چیئرمین سینیٹ کیخلاف تحریک عدم اعتماد کی ناکامی کیلئے پُرامید

Rate this post

وزیراعظم عمران خان نے صادق سنجرانی کو بھرپور ساتھ دینے کی یقین دہانی کرائی: ذرائع۔ فوٹو: فائل
وزیراعظم عمران خان چیئرمین سینیٹ صادق سنجرانی کے خلاف تحریک عدم اعتماد کی ناکامی کے لیے پُرامید ہیں۔
وزیراعظم عمران خان سے چیئرمین سینیٹ صادق سنجرانی نے ملاقات کی جس میں وفاقی وزیر برائے پارلیمانی امور اعظم خان سواتی، وزیر دفاع پرویز خٹک، سینیٹ میں قائد ایوان شبلی فراز بھی موجود تھے۔
ذرائع کے مطابق وزیر اعظم عمران خان چیئرمین سینیٹ کے خلاف تحریک عدم اعتماد کی ناکامی کیلئے پُر اعتماد ہیں اور انہوں نے صادق سنجرانی کو ڈٹ جانے کا مشورہ دیا ہے۔
ذرائع کا بتانا ہے وزیراعظم کا صادق سجنرانی کو کہنا تھا کہ آپ ہاؤس کو شاندار انداز میں چلارہے ہیں، گھبرانے کی ضرورت نہیں ہے۔

اپوزیشن نے چیئرمین سینیٹ کے خلاف تحریکِ عدم اعتماد جمع کرادی
چیئرمین سنیٹ کو ہٹانے کی قرارداد پر 44 ارکان نے دستخط کیے ہیں: پی پی رہنما شیری رحمان

وزیراعظم عمران خان کا صادق سنجرانی سے کہنا تھا کہ تحریک عدم اعتماد کو ہم سب مل کر ناکام بتائیں گے۔
چیئرمین سینیٹ نے بھی اپوزیشن کی تحریک سے متعلق وزیراعظم سے مشاورت مکمل کر لی ہے۔
ذرائع کے مطابق ملاقات کے دوران اعظم سواتی اور قائد ایوان شبلی فراز نے وزیر اعظم کو نمبر گیم کے حوالے سے بریفنگ دی۔
ذرائع کا کہنا ہے وزیراعظم عمران خان نے صادق سنجرانی کو بھرپور ساتھ دینے کی یقین دہانی کرائی۔

اپوزیشن نے حاصل بزنجو کو چیئرمین سینیٹ کا متفقہ امیدوار نامزد کردیا
سابق وزیراعظم نوازشریف نے مسلم لیگ (ن) کی جانب سے حاصل بزنجو کو اپوزیشن کا متفقہ امیدوار نامزد کیا تھا

ذرائع کے مطابق وزیراعظم کا کہنا تھا کہ جمہوریت کا راگ الاپنے والے بتائیں چیئرمین سینیٹ کو ہٹانے کی کوششیں کون سی جہمہوری اقدار ہیں، مفاد پرست لوگ جمہوریت کو تباہ کرنے پر تُلے ہوئے ہیں۔
خیال رہے کہ سینیٹ میں متحدہ اپوزیشن جماعتیں چییرمین صادق سنجرانی کے خلاف تحریک عدم اعتماد جمع کرا چکی ہیں اور اپوزیشن جماعتوں نے حاصل بزنجو کو چیئرمین سینیٹ کا متفقہ امیدوار نامزد کر دیا ہے۔

تبصرے
Loading...

اس ویب سائٹ پر آپ کے تجربے کو بہتر اور سہل بنانے کے لیے کوکیز استعمال کی جاتی ہیں۔ اگر آپ کوکیز کے استعمال سے مطمئن ہیں تو قبول ہے کہ بٹن پر کلک کیجئے قبول ہے