ایک نہیں 10 کمیشن بنائیں ہمارے پاس ایک ایک روپے کا حساب ہے: مریم اورنگزیب

Rate this post

وزیراعظم اپوزیشن کو نہ دھمکائیں، مولا بجٹ بننے کی کوشش نہ کریں اور کنٹینر سے اتریں، ترجمان (ن) لیگ۔ فوٹو: فائل

اسلام آباد: ترجمان مسلم لیگ (ن) مریم اورنگزیب نے وزیراعظم عمران خان کی جانب سے اعلیٰ اختیاراتی کمیشن کی تجویز کو اپوزیشن کو دھمکانے کی کوشش قرار دیا اور کہا کہ ایک نہیں دس انکوائری کمیشن بنائیں ہمارے پاس ایک ایک روپے کا حساب ہے۔
مریم اورنگزیب نے کہا کہ اعلیٰ اختیاراتی کمیشن بنا کر عمران خان کا دماغی معائنہ بھی کیا جائے، وزیراعظم اپنی تقریر میں انتہائی نروس نظر آئے اور آئی ایم ایف سے معاہدے سے نظر ہٹانے کے لیے کنٹینر والی گفتگو کی گئی۔

وزیراعظم کا 10 سالہ کرپشن کا پتہ لگانے کیلئے اعلیٰ اختیاراتی کمیشن بنانے کا اعلان
سربراہی خود کروں گا، کمیشن میں آئی بی، ایف آئی اے، ایف بی آر، ایس ای سی پی اور آئی ایس آئی کے نمائندے شامل ہوں گے: عمران خان کا قوم سے خطاب

ترجمان (ن) لیگ کا کہنا تھا کہ اس پر بھی کمیشن بنایا جائے کہ عوام نے اس نالائق حکومت کو ٹیکس دینا بند کیا، یہ اپوزیشن کو نہ دھمکائیں، مولا بجٹ بننے کی کوشش نہ کریں اور کنٹینر سے اتریں، آئی ایم ایف سے ڈیل اور عوام دشمن بجٹ کا انہیں جواب دینا پڑے گا۔ 
مریم اورنگزیب نے کہا کہ آج کی اپوزیشن جیل جانے سے ڈرنے والی نہیں، دھمکیوں سے کچھ نہیں ہوگا، ہم نے قرضے لیے تو گیارہ ہزار میگاواٹ بجلی سسٹم میں داخل کی، موٹروے اور سڑکوں کا جال بچھایا، ایک نہیں دس انکوائری کمیشن بنائیں ہمارے پاس ایک ایک روپے کا حساب ہے۔ 

تبصرے
Loading...

اس ویب سائٹ پر آپ کے تجربے کو بہتر اور سہل بنانے کے لیے کوکیز استعمال کی جاتی ہیں۔ اگر آپ کوکیز کے استعمال سے مطمئن ہیں تو قبول ہے کہ بٹن پر کلک کیجئے قبول ہے